Сілы абароны Украіны падбілі большасць НПЗ у еўрапейскай частцы Расеі: Мапа

Дроны лёгка дасягаюць расейскіх заводаў у радыусе тысячы кіламетраў ад Украіны.

Пакуль расейцы змагаюцца з жылымі дамамі і ўкраінскай энэргетыкай, Узброеныя сілы Украіны б’юць па нафтаперапрацоўчых заводах агрэсара. Біць па іх важна, бо гэта тармозіць пасоўванне акупантаў на фронце: іх машыны няма чым запраўляць.

Пасля шэрагу эфектыўных украінскіх удараў па заводах расейцаў з'явілася меркаванне, што дроны працуюць больш эфектыўна, чым санкцыі. Абаронная прамысловасць акупантаў вельмі залежыць ад нафтагазавай галіны, да таго ж Расея – буйная экспарцёрка нафты. «24 Канал» разабраўся, ці змогуць удары па НПЗ прымусіць Расею спыніць вайну.

Якія расейскія НПЗ ўразіла Украіна і якімі былі наступствы атак

Першым украінскія дроны сустрэў Туапсінскі нафтаперапрацоўчы завод у аднайменным курортным горадзе Туапсэ на поўдні Расеі. Акрамя пейзажаў і мора, ён вядомы вялікім заводам Раснафты. Сыравіну для перапрацоўкі туды вязуць з самой Сібіры. Завод атакавалі некалькі разоў, але ноч на 25 студзеня была для яго фатальнай. Была пашкоджаная нафтаперапрацоўчая ўстаноўка. Праз некалькі дзён стала вядома, што НПЗ спыніў сваю працу.

На 31 студзеня дроны атакавалі завод «Неўскі мазут» у Пецярбургу, там загарэліся цыстэрны. А 21 студзеня быў удар па марскім гандлёвым порце ў Ленінградскай вобласці. У горадзе Усць-Луга таксама ёсць нафтаперавалачны пункт – ён размешчаны побач з атакаваным вугальным тэрміналам «Наватэк». Тады расейцы заявілі, што рэгулярныя напады па балтыйскіх партах могуць адбіцца на экспарце. Атакай па Ленінградскай вобласці Украіна прадэманстравала: у яе ёсць беспілотнікі, здольныя пераадольваць больш за тысячу кіламетраў.

Лукойл-Валгаграднафтаперапрацоўка ў Валгаградзе атакавалі 3 лютага. Там была разбітая ўстаноўка для перапрацоўкі нафты, пачаўся маштабны пажар. Акупанты сказалі, што ім не вядомыя прычыны пажару.

9 лютага стала чорным днём адразу для двух заводаў – Ільскага нафтаперапрацоўчага і Афіпскага. Абодва размешчаныя ў Краснадарскім краі і абодва ўжо калісьці былі пад атакай украінскіх БПЛА. На гэты раз расейцы ўзнялі самалёты, але не змаглі абараніць свае аб'екты. На Ільскім НПЗ пашкодзілі ўстаноўку першаснай перапрацоўкі нафты, на Афіпскай – паветравод і абарону ўстаноўкі супольнай перапрацоўкі газу і газакандэнсату. Апошні завод забяспечваў палівам акупацыйнае войска.

Уначы 12 сакавіка дроны даляцелі да Кстова ў Ніжагародскай вобласці. Там размешчаны завод Лукойл-Ніжагароднафтааргсінтэз. Пашкоджаная ўстаноўка перагонкі нафты. Гэта адзін з найбуйнейшых нафтаперапрацоўчых заводаў Расеі, агрэсар уклаў туды больш за 100 мільярдаў рублёў, спадзеючыся зрабіць найбуйнейшай палімернай вытворчасцю.

Разанскі нафтаперапрацоўчы завод быў пад ударам 13 сакавіка – загарэлася ўстаноўка блока цеплаабменніка. Пазней стала вядома, што гэты найбуйнейшы НПЗ Раснафты страціў 70% магутнасці з прычыны нападу дронаў, былі пашкоджаныя дзве ўстаноўкі першаснай перапрацоўкі нафты. У той самы дзень удары зазналі завод Кірышынафтааргсінтэз у Ленінградскай вобласці і Новашахцінскі завод нафтапрадуктаў у Растоўскай вобласці. Апошні спыніў працу і больш не зможа забяспечваць акупантаў палівам.

Калужскі «Першы завод» падбілі 15 сакавіка – дроны трапілі ў нафтаперапрацоўчую ўстаноўку.

На наступны дзень, 16 сакавіка, эстафету прынялі адразу тры заводы – Навакуйбышаўскі, Куйбышаўскі і Сызранскі НПЗ. Навакуйбышаўскі НПЗ – адзін з асноўных вытворцаў і пастаўшчыкоў паліва для рэактыўных рухавікоў маркі РТ найвышэйшага гатунку – найбольш запатрабаванага ў Расеі. І там здарыўся буйны пажар.

А 17 сакавіка БПЛА праінспектавалі Славянск-на-Кубані ў Краснадарскім краі РФ. Там ёсць Славянскі нафтаперапрацоўчы завод. Расейцы заявілі, што падчас атакі ад сардэчнага прыступу памёр мужчына. Мэтай атакі была атмасферная ўстаноўка, якую паспяхова падбілі. Гэты напад стаў дванаццатым нападам па расейскіх НПЗ.

Куйбышаўскі НПЗ у Самарскай вобласці прыпыніў працу пасля дронавага нападу ў ноч на 23 сакавіка, там пашкоджаная ўстаноўка. Што цікава, гэты завод упершыню ў Расеі асвоіў выпуск паліва для рэактыўных рухавікоў і аліваў для ракетаносьбітаў – за што і паплаціўся.

Таксама 23 сакавіка гарэў нафтаперапрацоўчы завод у Саратаве. Гэта чатырнаццатая атака па расейскіх НПЗ – і дакладна не апошняя.

Навошта біць па расейскіх заводах

Як ужо было сказана, такія ўдары саслабляюць акупантаў. Ім становіцца складаней забяспечыць сваё войска палівам і складаней гандляваць са светам. А гэта азначае, што вораг атрымлівае менш нафтадаляраў і, як вынік, менш улівае іх у сваю эканоміку. На гэты момант дроны «паставілі на паўзу» 12% нафтавых магутнасцяў Расеі.

І, вядома, гэта дае псіхалагічны ўплыў, бо паказвае: для Сілаў абароны Украіны няма нічога немагчымага, яны дастануць ворага ўсюды. Расейцы не верылі, што Украіна створыць магутныя дальнабойныя беспілотнікі.

Большасць украінскіх удараў прыпадае на ўстаноўкі нафтаперапрацоўкі – гэта асноўныя элементы ўсіх НПЗ. У іх падзяляюць нафту на фракцыі, таму знішчыць устаноўкі – азначае ўскладніць або зусім спыніць працу завода.

Расейскія прыватныя фірмы пастанавілі абараніць заводы з дапамогай СПА, але ёсць меркаванне, што гэта марныя спробы.