У Менску распачалі справу аб банкруцтве буйной сеткі рэстарацый
2- 26.03.2024, 17:12
- 12,134
Кампанія завінавацілася крэдыторам больш за 1 мільён рублёў.
Эканамічны суд Менска распачаў справу аб банкруцтве ТАА «СП Брусэль». Гэтая арганізацыя належыць вядомай беларускай рэстараннай сетцы «Старамесны півавар». Кампанія завінавацілася крэдыторам больш за 1 мільён рублёў, піша nashaniva.com.
З заявай у суд звярнулася інспекцыя падаткаў і збораў Маскоўскага раёна Менска. Толькі бюджэту ТАА «СП Брусэль» віннае падаткаў і пені больш за 800 тысяч рублёў.
Завінавачаны з траўня 2023-га знаходзіцца ў працэсе ліквідацыі і не мае ні маёмасці, ні аб'ектаў нерухомасці, ні грошай на рахунках, каб аплаціць патрабаванні крэдытораў.
Канчатковую пастанову паводле гэтай справы суд прыме ў чэрвені.
Матчынай кампаніі завінавачанага - «Старамесны півавар» - належыць некалькі рэстарацый. На яе старонцы ў сацыяльнай сетцы VK.com згадваюцца такія ўстановы, як Butler, «Старамесны півавар», Bruxelles, гастрапаб Bernardin і кавярня «ВееrЖа».