Пенсіі беларусаў засакрэцілі
35- 27.03.2024, 17:10
- 21,752
Відаць, уладам няма чым пахваліцца.
Белстат не апублікаваў звесткі аб рэальных пенсіях у сваім свежым зборніку сацыяльна-эканамічнага развіцця краіны за студзень-люты гэтага года. Нагадаем, гэты паказчык разлічваецца з папраўкай на інфляцыю і апошнім часам рэгулярна дэманструе мінус, звярнула ўвагу "Зеркало".
Белстат раней кожны месяц публікаваў у зборніках сацыяльна-эканамічнага развіцця краіны звесткі аб рэальных і сярэдніх прызначаных пенсіях. Гэта была магчымасць даведацца, якая дынаміка ў гэтых выплатах.
Паводле апошніх апублікаваных звестак, у студзені гэтага года рэальныя пенсіі ўпалі ў параўнанні са снежнем 2023 года на 0,8 адсотка. Гэтыя выплаты зніжаліся чатыры месяцы запар - у студзені гэтага года, снежні, лістападзе і кастрычніку мінулага.