У Беларусі надвор'е на Вялікдзень будзе вельмі цёплым

Цёплае надвор'е захаваецца як мінімум да 3 красавіка.

У нядзелю, на каталіцкі Вялікдзень, на тэрыторыю Беларусі распаўсюдзіцца грэбень цяпла, і ён прынясе беларусам сюрпрызы, паведамляе тэлеграм-канал nadvorie.

Найбліжэйшая нядзеля мае ўсе шанцы стаць самым гарачым сакавіцкім днём за шматгадовую гісторыю метэаназіранняў. Тэмпература паветра па поўдні краіны можа дасягнуць 25 градусаў.

Цёплае надвор'е захаваецца як мінімум да 3 красавіка, зазначае рэсурс.

А вось на захад Еўропы апусціцца холад.