У Беларусі падаражэюць некаторыя маркі цыгарэтаў

З 1 красавіка.

З 1 красавіка падаражэюць многія маркі цыгарэтаў. Пра гэта паведамляецца на сайце Міністэрства падаткаў і збораў.

Гарадзенская тытунёвая фабрыка «Нёман» з 1 красавіка падніме кошт у тым ліку Pall Mall Nano Blue, Pall Mall Nano Silver (на 30 капеек – да 5,3 рубля), Pall Mall Demi Blue, Pall Mall Demi Azure (на 20 капеек – да 5,2 рубля).

«Тытунь-Інвест» сярод іншага павысіць на 30 капеек кошт Pall Mall Nano Fresh, Pall Mall Nano Fusion, Pall Mall Nano Fusion – да 5,4 рубля, на Lucky Strike Compact Blue, Lucky Strike Compact Bright – да 5,3 рубля.

Кампанія «Інтэр Табака» не мае намеру ў наступным месяцы падвышаць кошты.

«Беларусьгандаль» павысіць у красавіку цэтлік на Rothmans Click Amber, Rothmans Click Coral (на 25 капеек – да 5,3 рубля).

Новы вытворца цыгарэтаў – кампанія «Сентані ПРА», якая выйшла на раздробны рынак у сакавіку, – таксама павысіць у красавіку кошты. Прычым амаль на ўсе маркі. Павышэнне будзе на ўзроўні 20–30 капеек. Нагадаем, гэтая фірма звязаная з Паўлам Тапузідзісам і бізнэсовым партнёрам сыноў двух іншых беларускіх бізнэсмэнаў – Аляксея Алексіна і Юрыя Чыжа.

Паглядзець поўны спіс цыгарэтаў, на якія з 1 красавіка зменяцца кошты, можна на сайце МПЗ.