На Віцебшчыне спецназ затрымаў 19 чалавек

За браканьерства і не толькі.

У Віцебскай вобласці за браканьерства, незаконнае абарачэнне агнястрэльнай зброі і боепрыпасаў затрымалі 19 чалавек, паведамілі ў МУС.

Захоп падазраваных аператыўнікі праводзілі пры падтрымцы спецыяльнага падраздзялення ў барацьбе з тэрарызмам "Алмаз".

Паводле версіі МУС, фігуранты займаліся незаконным паляваннем з выкарыстаннем гелікаптэра ў Віцебскай вобласці, падчас якой яны здабылі чырвонакніжнага бурага мядзведзя. Пры вобшуках па месцы жыхарства затрыманых канфіскаваны рэчавыя доказы, агнястрэльная зброя, боепрыпасы, спецыяльныя прыстасаванні, аўтатранспарт, якія выкарыстоўваюцца ў злачыннай дзейнасці.

Следчымі распачатая крымінальная справа за незаконнае паляванне з выкарыстаннем паветранага транспартнага сродку, якое прывяло да прычынення шкоды ў асабліва вялікай суме. У дачыненні да фігурантаў праводзяцца далейшыя аператыўныя і следчыя дзеянні. Правяраецца іх дачыненне да іншых злачынстваў.