У Беларусі ў выходныя будзе да +25

Гэта гістарычны рэкорд для сакавіка.

29 сакавіка надвор'е ў Беларусі ў асноўным будуць вызначаць атмасферныя франты з Заходняй Еўропы, днём на заходнія раёны распаўсюдзіцца вобласць падвышанага атмасфернага ціску. Воблачна з праясненнямі. На большай частцы тэрыторыі кароткачасовыя дажджы, удзень месцамі магчымыя навальніцы. У начныя і ранішнія гадзіны ў асобных раёнах слабы туман. Вецер паўднёвы, удзень з пераходам на заходні сярэдні, месцамі парывісты. Тэмпература паветра мінімальная ўночы +4..+10°С, максімальная ўдзень +12..+18°С. Атмасферны ціск уначы істотна не зменіцца, раніцай і днём будзе расці.

30-31 сакавіка (субота-нядзеля) краіна ў асноўным апынецца пад уплывам вобласці падвышанага атмасфернага ціску і цёплых паветраных мас, якія распаўсюджваюцца з паўднёвага захаду Еўропы; толькі 30 сакавіка ўночы па поўначы адаб'ецца ўплыў малаактыўнага фронту.

30 сакавіка пераважна без ападкаў, толькі ноччу месцамі па поўначы невялікія кароткачасовыя дажджы. Уначы і раніцай у асобных раёнах слабы туман. Вецер паўднёва-заходні, паўднёвы сярэдні, месцамі парывісты. Тэмпература паветра ўночы +1..+7°С, у паўднёва-заходніх раёнах да +9°С, удзень ад +14°С па поўначы да +23°С па паўднёвым захадзе.

31 сакавіка пераважна без ападкаў. Уначы і раніцай месцамі слабы туман. Вецер паўднёвы, паўднёва-ўсходні сярэдні, удзень парывісты. Тэмпература паветра ўночы +4..+11°С, удзень +18..+25°С.