«Нават я б да такога не дадумаўся»

Беларус расказаў пра дзіўнае «ноў-хаў» у будаўніцтве ў Менску.

Жыхар Менска звярнуў увагу на новыя шкляныя падстрэшкі, якія ўстанавілі над падземным пераходам у адным з раёнаў сталіцы. Як высветлілася, для латання швоў падрадчык звярнуўся да выкарыстання скотчу.

“Я калі шпацырую і бачу шкляныя канструкцыі, заўсёды зважаю на тое, як зроблена. І тут ноў-хаў! Нават я б да такога не дадумаўся», – саркастычна заўважыў аўтар відэароліка, які, дарэчы, сам прафесійна займаецца праектаваннем і ўсталёўкай шкляных канструкцый.

Як высветлілася, для зашыванння швоў невядомы падрадчык выкарыстаў скотч. Прагуляўшыся ўздоўж збудавання, мужчына таксама заўважыў іржавыя падцёкі на металічных канструкцыях і паскардзіўся, на што многія спрабуюць зэканоміць на ўстаноўцы падобных шкляных аб'ектаў, часта не ўяўляючы, што за гэтым стаіць.

Побач з няўдалым прыкладам падстрэшка аўтар знайшоў і больш якаснае выкананне працы, дзе ў канструкцыі выкарыстоўвалася нержавейка, а швы, як і належыць, былі замазаныя герметыкам.

«Відаць розныя кампаніі рабілі. Тут зроблена лепш. Не відаць іржы і загерметызавана поліўрэтанавым герметыкам. Будзе стаяць і цячы не будзе», - сказаў на заканчэнне аўтар відэа.

Многія карыстальнікі падзялілі сарказм аўтара.

“Гэта глупства, доўга не пратрымаецца. Трэба было на сінюю ізастужку. Толькі абавязкова сінюю”, - напісаў адзін з каментатараў пад відэа.

"Сіняя ізастужка лепш трымае", – пажартаваў яшчэ адзін карыстальнік.

"Затое як паклеены, без бурбалак, роўна, гэта табе не булкі ляпіць", - напісаў яшчэ адзін каментатар.

Знайшліся, аднак, і тыя, хто абурэння аўтара відэароліка не падзяліў.

“Працуе? Не чапай!!!”, - напісаў хтосьці пад відэа.