Лаўроў прабрахаўся

Расеі наканавана напасці на NАТО.

Сяргей Лаўроў, міністр замежных спраў РФ, заявіў (цытата па The Moscow Times):

“Пуцін шмат разоў казаў, нам няма ніякага сэнсу на іх [NАТО] нападаць. Калі ўжо будзе наканавана, што мы... (паўза; зразумеў, што сказаў лішняе) ...калі яны самі хацелі наблізіць межы NАТО да нашых меж, ну вось на Украіне мы гэтага зрабіць, вядома, не дазволім”.

Гэта вельмі характэрная прыказка. Крамлёўская канспіралогія, комплекс забабонаў і шалёных самаздзейсных прагнозаў у іх паралельнай рэальнасці не пакідаюць ім альтэрнатывы: І не хочацца, а давядзецца напасці на NАТО. Такая, маўляў, місія Расеі.

Непублічна гэта ўжо гадоў 20 мусуецца. Эра Вадалея - эра вялікай Расеі, Катэхон, старцы, тувінскія шаманы, і астатняя лухта, памножаная на іх псіхіятрычныя дыягназы і комплексы.

Іван Прэабражэнскі, "Тэлеграм"