УСУ пасунулі ў Крынках расейскія падраздзяленні «Гойда!» і «лятуноў»

Плацдарм на левым беразе Дняпра пашыраны.

У Крынках на левым беразе Херсоншчыны Сілы абароны Украіны змаглі пашырыць плацдарм нягледзячы на тое, што вораг сканцэнтраваў там блізу 130 тысяч асабовага складу.

Пра гэта распавёў у сваім тэлеграм-канале аглядальнік групы «Інфармацыйны супраціў» Аляксандр Каваленка ў сваім Telegram-канале.

«Больш за год таму на левым беразе пачаўся працэс пашырэння плацдарму Сіл абароны Украіны ў шэрагу лакацый. Цяпер расейскія акупацыйныя войскі сканцэнтравалі на гэтым кірунку выключна падраздзяленні, якія звыклі выскокваць з транспарту, які рухаецца ў паветранай прасторы з воклічам "Гойда!", а менавіта 337 і 338 ДШП 104 ДШД паветрана-дэсантных войскаў. Падобна, гэтак жа як з Іванаўскім пад Бахмутам, дэсантура спрабуе перацягнуць на сябе галоўную ролю ў развязанні праблематыкі левабярэжнай вёскі, каб паказаць наколькі добрыя бяскрылыя «лятуны» па-за агульным камандаваннем», - адзначыў экспэрт.

Ён дадаў, што левабярэжная Херсоншчына - гэта зона адказнасці самай шматлікай групы войскаў УС РФ у зоне баявых дзеянняў - «Дняпро».

На сёння вораг сканцэнтраваў тут:

130 тысяч чалавек;

блізу 700 танкаў;

блізу 2000 ББМ

блізу 1100 ствольнай артылерыі;

250 РСЗА.

Аляксандр Каваленка адзначыў, што УС РФ такім патэнцыялам не змаглі ўзяць пад свой кантроль Крынкі, а ў мінулым месяцы Сілы абароны не толькі змаглі ўтрымаць плацдарм, але і пашырыць яго.

«Напрыклад, у сярэдзіне лютага САУ пашырылі плацдарм ад прыватнай забудовы, да музея Астапа Вішні. Да канца сакавіка, тытанічнымі намаганнямі ў максімальна неспрыяльных умовах, нашы падраздзяленні выйшлі на захад ад музея да цяпліц. Плацдарм пашыраецца. Якімі сіламі і якім коштам? У свабоды цаны няма, ёсць толькі памяць і павага тым, хто яе заплаціў. На стагоддзі», - адзначыў Аляксандр Каваленка.