CNN: Бранятэхніка ад ЗША для Украіны ўжо знаходзіцца на мяжы

Яна была загадзя размешчаная на складах у Нямеччыне і Польшчы.

На мяжы з Украінай у суседняй Польшчы ўжо стаяць платформы, нагружаныя дзясяткамі баявых машын пяхоты Bradley, гатовых да транспартавання.

Гэта пацвярджаецца відэа, знятае відавочцам на камеру мабільнага тэлефона, якое стала сведчаннем аб набліжэнні значнай дапамогі ад ЗША вайсковым сілам Украіны.

Амерыканскі тэлеканал CNN (пераклад - dialog.ua) таксама пацвярджае, што большая частка амерыканскай вайсковай дапамогі Украіне, ухваленай Сэнатам напярэдадні, была загадзя размешчаная на складах у Нямеччыне і Польшчы.

Гэта азначае, што адразу пасля падпісання закону прэзідэнтам ЗША Байдэнам бранятэхніка адправіцца ва Украіну.

Як паведамляюць вайсковыя крыніцы, лагістыка перакідкі вайсковай тэхнікі даўно адладжана, таму чакаецца, што дапамога дасягне ўкраінскіх Узброеных сіл максімальна хутка.

Гэты крок разглядаецца як адказ на перавагу, якой цяпер карыстаецца Расея.

«Іншымі словамі, перавага ў прапорцыі 10 да аднаго, якой зараз карыстаецца Расея, будзе знішчаная адразу», – адзначаюць журналісты канала са спасылкай на амерыканскіх чыноўнікаў.