У Менску дзве школьніцы запісалі відэа, як п'юць «моцны напой»

Што было далей?

У сацсетках завірусіўся відэаролік, як дзве вучаніцы адной з навучальных устаноў Менска ўжываюць, як сцвярджаюць у МУС, "моцны напой". Асобы дзяўчат выявілі, назначаная праверка.

У апублікаваным роліку "засвяціліся" дзве школьніцы. Адна з іх трымала ў руцэ бутэльку з празрыстай вадкасцю, рабіла некалькі глыткоў і смяялася. Калі відэа завірусілася, на яго звярнулі ўвагу ў міліцыі.

"Асобы дзяўчынак былі ўстаноўленыя - гэта навучэнкі сталічнай школы: 13 і 14 гадоў", - паведамілі ў МУС.

У дачыненні да вучаніц прызначылі праверку. Акрамя таго, міліцыянеры сабралі навучэнцаў школы на "прафілактычную гутарку", дзе "даходліва растлумачылі аб наступствах ужывання алкаголю, тытуню і электронных курыльных прыстасаванняў", а таксама "аб адказнасці за супрацьпраўныя паводзіны".