Байдэн: Адпраўка ўзбраення ва Украіну пачнецца ў наступныя некалькі гадзінаў
12- 24.04.2024, 21:20
- 12,156
Раней прэзідэнт ЗША падпісаў закон аб дапамозе Кіеву.
Прэзідэнт ЗША Джо Байдэн заявіў, што ваенная дапамога Украіне, закон аб якой ён падпісаў 24 красавіка, пачне накіроўвацца літаральна ў наступныя некалькі гадзінаў.
«Я перакананы ў тым, што адпраўкі павінны пачацца неадкладна, літаральна ў наступныя некалькі гадзінаў мы пачнем пасылаць абсталяванне ва Украіну: для сістэмаў СПА, артылерыі, сістэмаў залпавага агню і браняваныя транспартныя сродкі», – сказаў Байдэн 24 красавіка падчас звароту да амерыканскага народу пасля падпісанне закона аб дапамозе.
Today, we answered history’s call at this critical inflection point.
— President Biden (@POTUS) April 24, 2024
With the signing of our national security package, we tell the world that America stands resolutely for democracy and freedom, and against tyranny and oppression. pic.twitter.com/APhOSWWJLN
Пасля падпісання Байдэнам закона аб дапамозе Украіне Пентагон абвясціў пра вылучэнне пакета ўзбраення памерам мільярд даляраў. Сярод абвешчанага ўзбраення:
ракеты RIM-7 і AIM-9M для СПА;
ракеты для ПЗРК Stinger;
дадатковыя боепрыпасы для рэактыўных сістэмаў залпавага агню HIMARS (чакаецца, што сярод іх будуць ракеты ATACMS);
155-мм і 105-мм артылерыйскія снарады;
БМП Bradley і шматмэтавыя аўтамабілі (HMMWV).