У ГУР паказалі, як знішчалі верталёт Ка-32 на аэрадроме ў Маскве

Апублікаванае відэа аперацыі.

Галоўная ўправа выведкі Мінабароны Украіны пацвердзіла знішчэнне расейскага верталёта Ка-32 на аэрадроме ў Маскве.

Як паведамляе прэс-служба ГУР, шматмэтавы варожы верталёт Ка-32 быў знішчаны ў ноч на 26 красавіка на аэрадроме «Астаф'ева» міністэрства абароны РФ.

Аэрадром належыць МА РФ і эксплуатуецца супольна з прадпрыемствам «Газпрамавія», якое ўваходзіць у структуру ААТ «Газпрам».

«Знішчаная адзінка авіяцыйнай тэхнікі выкарыстоўвалася дзяржавай-агрэсаркай у інтарэсах маскоўскага авіяцыйнага цэнтра, напрыклад, для падтрымкі аперацый расейскага акупацыйнага войска», – удакладнілі ў ГУР.

На відэа з аэрадрома знішчаны верталёт стаіць на ўзлётнай пляцоўцы. Затым відаць, як ён ярка палае.