Топ-генерал ЗША пра Abrams ва Украіне: Абмяркоўваем хуткую адаптацыю

Сітуацыя на полі бою хутка мяняецца.

Злучаныя Штаты Амерыкі абмяркоўваюць адаптацыю выкарыстання танкаў Abrams на полі бою ва Украіне, паколькі ўмовы там пераменлівыя.

Пра гэта паведамляе «РБК-Україна» са спасылкай на заяву кіраўніка Аб'яднанага камітэта кіраўнікоў штабоў ЗША генерала Чарльза Браўна паводле вынікаў пасяджэння ў фармаце «Рамштайн».

Ён падкрэсліў, што хаўруснікі адаптуюцца ва ўмовах канфлікту ва Украіне. І, беручы да ўвагі характар вайны, трэба ўжываць розныя сістэмы ўзбраенняў.

«Разам з кіраўнікамі іншых узброеных сілаў мы абмяркоўваем тое, як можна хутка адаптавацца да ўвесь час зменлівых умоваў на полі бою ва Украіне», – дадаў Браўн.

Нагадаем, сёння, 26 красавіка, выданне Associated Press паведаміла, што Украіна нібыта адводзіць з лініі фронту танкі Abrams, якія далі ЗША.