Нетаньяху паабяцаў правесці аперацыю ў Рафаху з перамір'ем ці без
- 30.04.2024, 20:53
- 2,902
Перамога без зачысткі горада на поўдні сектара Газа немагчымая, мяркуе ізраільскі прэм'ер.
Прэм'ер-міністр Ізраіля Біньямін Нетаньяху паабяцаў правесці ваенную аперацыю ў Рафаху – горадзе на поўдні сектара Газа – незалежна ад таго, будзе заключана мірнае пагадненне з палестынскім рухам ХАМАС ці не. Пра гэта паведамляе газета The Times of Israel.
«Думка, што мы спынім вайну да дасягнення ўсіх яе мэтаў, немагчымая. Мы ўвойдзем у Рафах і знішчым там батальёны ХАМАС – незалежна ад таго, ці будзе пагадненне, ці не», – сказаў Нетаньяху. Ён адзначыў, што гэта неабходна для дасягнення «поўнай перамогі».
У канцы красавіка дарадца Нетаньяху Дзмітрый Гендэльман заявіў, што Войска абароны Ізраіля (ЦАХАЛ) неўзабаве прыступіць да наземнай аперацыі ў Рафаху. На думку ізраільскіх уладаў, у горадзе хаваюцца ацалелыя сілы ХАМАС.