Немцы перасталі быць самымі працавітымі ў Еўропе
23- 1.05.2024, 15:17
- 7,144
У Еўропе ў лідарах чэхі і палякі.
Працавітасць традыцыйна разглядаецца як спрадвечная нямецкая якасць. Але напярэдадні 1 траўня амерыканскае агенцтва Bloomberg падало статыстычныя звесткі аб тым, што Нямеччына ўпала на пятае месца з канца паводле колькасці працоўных гадзін на чалавека за год сярод краін АЭСР. У лідарах рэйтынгу Новая Зеландыя, Чэхія, Аўстралія, Польшча і ЗША.
Нямецкія статыстыкі пацвердзілі BILD гэтыя звесткі. Высветлілася, што зараз у сярэднім кожны немец працуе 34,7 гадзіны на тыдзень. Гэта найменшы паказчык у гісторыі Нямеччыны. Пастаянна расце працягласць лісткоў непрацаздольнасці, адгулаў і колькасць няпоўных ставак (31%). Нямеччына таксама ўзначальвае спіс краін ЕЗ у днях адпачынку (30 за год). Рост прадукцыйнасці працы ў ФРГ упаў з 1970-х у чатыры з гакам разы.
Апытаныя нямецкія экспэрты тлумачаць зніжэнне працавітасці высокім узроўнем росквіту ў Нямеччыне: грамадзяне не бачаць сэнсу так старанна працаваць, як, напрыклад, у пасляваенныя гады. Bloomberg называе яшчэ адной прычынай падатковую сістэму ФРГ: вялікі даход абкладаецца вялікім падаткам, таму некаторыя наўмысна працуюць менш.