Прусакі давялі да суда прарэктара навучальнай установы з Гародні
3- 17.05.2024, 12:35
- 5,310
Чым скончыўся працэс?
На кухні двух інтэрнатаў навучальнай установы ў Гародні знайшлі прусакоў. Іх знайшлі пры правядзенні кантролю пасля вынесеных прадпісанняў. За гэта судзілі прарэктара адміністрацыйна-гаспадарчай работы, піша Hrodna.life.
Суд Ленінскага раёна Гародні 29 красавіка пастанавіў, што мужчына не выканаў пункты 4, 8 прадпісання аб ліквідацыі парушэнняў ад галоўнага санітарнага лекара Гародні і Гарадзенскага раёна.
Прарэктар віну прызнаў часткова. Паводле арт. 24.1 КоАП (Невыкананне прадпісання) яго пакаралі штрафам на тры базавыя адзінкі (120 рублёў).