Рэжым Лукашэнкі пабудуе ў Карабаху «аграгарадок»

У Беларусі гэты праект праваліўся.

Рэжым Лукашэнкі пабудуе ў Карабаху населены пункт на 420 сем'яў, паведаміў міністр архітэктуры і будаўніцтва краіны Руслан Пархамовіч, паведамляе БелТА.

Са слоў чыноўніка, аб'ект пабудуюць у Агдамскім раёне ў цэнтральнай частцы Азербайджана. Ён будзе нечым накшталт аграгарадка з «беларускім каларытам».

«Важна прадставіць людзям не толькі камфортнае жыллё, але і забяспечыць іх годнымі месцамі для работы», - падкрэсліў Пархамовіч. Калі праект удасца, то краіны створаць яшчэ некалькі супольных аб'ектаў, дадаў міністр.