Беларусы прыдумалі дзіўны спосаб атрымліваць страхавыя выплаты

Паспелі «зарабіць» больш за паўмільёна рублёў.

У Магілёўскай вобласці затрыманая група з 9 чалавек, якія падазраюцца ў махлярстве са страхавымі выплатамі. Лідарам групы з'яўляецца 36-гадовы мясцовы жыхар, які ўчыняў злачынствы разам са сваімі сваякамі і знаёмымі ва ўзросце ад 28 да 50 гадоў. Яны ўкладалі дамовы добраахвотнага страхавання ад няшчасных выпадкаў, а затым самавольна траўміравалі сябе, пашкоджваючы пальцы рук і ног. Злачынствы адбываліся як дома, так і на лецішчы.

Потым «пацярпелыя» звярталіся да медыкаў па пацвярджальныя дакументы, якія выкарыстоўвалі для атрымання страхавых выплат. Атрыманыя грошы група выдаткоўвала на будаўніцтва і набыццё жылля, аўтатранспарту, а таксама выдавала грошы ў пазыку з адсоткамі знаёмым. За два гады злачынцы змаглі выцягнуць у страхавых кампаній больш за 550 тысяч рублёў.

Пры вобшуку ўдзельнікаў групы былі знойдзены і канфіскаваны малаткі, шпрыцы з абязбольвальнымі сродкамі, а таксама грашы.