Адпраўка польскіх войскаў ва Украіну: Сікорскі заінтрыгаваў заявай

Кіраўнік МЗС Польшчы падкрэсліў, што Пуціна трэба трымаць  у нявызначанасці наконт далейшых крокаў ЕЗ.

Кіраўніка Расеі Пуціна неабходна трымаць у нявызначанасці што да магчымых крокаў Захаду. Пра гэта ў ЗША сказаў міністр замежных справаў Польшчы Радаслаў Сікорскі, паведамляе RMF 24.

Дыпламат, між іншым, расказаў аб пагрозе для Польшчы з боку Расеі і гістарычныя памылкі Пуціна. Так, на пытанне, наколькі Расея ўяўляе прамую пагрозу для Польшчы, кіраўнік польскай дыпламатыі адказаў, што не думае, што Пуцін праявіць неабдуманасць, каб напасці на краіну-сябра-NATA, але заўважыў, што ён быў дастаткова безразважлівы, каб напасці на Украіну, і зараз лічыцца вайсковым злачынцам.

Сікорскі, спасылаючыся на словы прэзідэнта Францыі Эмануэля Макрона аб тым, што ён нічога не выключае, калі гаворка ідзе аб прысутнасці заходніх войскаў ва Украіне, сказаў, што правільна паставіць Пуціна ў сітуацыю, у якой ён не будзе ўпэўнены, што Захад не будзе выключаць ніякага развіцця падзей.

- Мы не будзем паказваць свае карты. Мы дамо Пуціну падумаць, што мы будзем рабіць. Мы трацім самую вялікую частку нашага ВУП у NATA – 4%, а налета можам выдаткаваць больш, – падкрэсліў Сікорскі.

Ён падкрэсліў, што вайна можа скончыцца толькі тады, калі Пуцін зразумее, што кошт яе працягу ў выглядзе чалавечых жыццяў і фінансавых выдаткаў вышэй за мэту, якую ён хоча дасягнуць. Пры гэтым Пуціну яшчэ можа спатрэбіцца некаторы час, каб гэта зразумець.

- Няма недахопу ў патэнцыйных пасярэдніках – Турцыі, ААН. Кітай мог бы фактычна прымусіць Пуціна спыніць гэтую вайну. Але я не бачу ніякіх прыкметаў таго, што Пуцін хоча весці перамовы, – адзначыў Сікорскі.