«Перамога» рыхтуецца да адкрыцця
4- 7.05.2024, 19:38
- 6,404
Першыя кадры абноўленага кінатэатра.
Фрэскі, ляпніна, мазаічныя падлогі – шмат што будзе адсылаць да гісторыі. Але ў цэлым гэта будзе сучасны мультыплекс, піша «Кропка».
Дах ужо ўсталяваны, вокны замененыя. Вось-вось і галоўны фасад кінатэатра здабудзе свой канчатковы выгляд.
Яшчэ кіпіць праца. Але будаўнікі робяць усё магчымае, каб паспець да 3-га ліпеня.
Але сёе-тое ўжо можна ацаніць. І захапіцца!
Напрыклад, паўкруглыя фрэскі.
Уражваюць і мазаічныя падлогі.
Як будзе выглядаць кінатэатр
Стыль кінатэатра застанецца ранейшым, з дэталямі на фасадзе, залай з калонамі і ляпнінай, адноўленай спецыялістамі «Белрэстаўрацыі». Але ўнутры «Перамога» ператворыцца ў мультыплекс: кінатэатр атрымае пяць залаў на 284 месцы і два аб'екты грамадскага харчавання.
Кожная з кіназалаў будзе выкананая ў пэўнай тэматыцы: напрыклад, адна з іх будзе натхнёная фільмам «Белыя росы». Таксама ўсталююць сучасныя сядзенні для дваіх і канапы для зручнасці гледачоў.
Будынак быў узведзены паводле праекту Іосіфа Лангбарда і Міхаіла Бакланава на месцы былога Клуба харчавікоў. Кінатэатр уключаны ў спіс гісторыка-культурнай спадчыны Беларусі.
Свае дзверы «Перамога» адчыніла для наведвальнікаў у 1950 годзе. Высокія столі, калоны і зіхатлівыя люстры – кінатэатр увасабляў з сябе эстэтыку сталінскага ампіру.
Гэта адзіны кінатэатр Беларусі, прыняты ў прэстыжную міжнародную асацыяцыю Europa Cinemas.