«Барусія» тонка патроліла «ПСЖ» пасля выхаду ў фінал Лігі чэмпіёнаў

Фота.

Дортмундская «Барусія» пажартавала з «ПСЖ» пасля перамогі ў паўфінале Лігі чэмпіёнаў.

На афіцыйнай старонцы «Барусіі» ў X з'явілася карцінка, на якой намаляваны паветраны шар з эмблемай клуба і надпісам «Добрага адпачынку».

На малюнку таксама намаляваны пляж, на якім ляжыць кілімок з эмблемай «ПСЖ».

Такім чынам дортмундцы падкалолі парыжанаў за іх пост пасля перамогі над «Барселонай» у чвэрцьфінале Лігі чэмпіёнаў.

Тады французскі клуб апублікаваў карцінку з паветраным шарам у колерах каталонскага клуба, які ляжыць у вадзе побач з Эйфелевай вежай.

У фінале «Барусія» Дортмунд згуляе з пераможцам супрацьстаяння «Рэал» – «Баварыя». Вызначальны матч адбудзецца ў Лондане на Уэмблі 1 чэрвеня.