Праўладны Саюз палякаў выкарыстаў жалобу ў Беластоку для свайго піяру
3- 21.04.2010, 14:50
Падчас жалобы ў Польшы праўладны Саюз палякаў правёў агітацыю супраць Анжалікі Борыс.
Праўрадавы Саюз палякаў у Беларусі на чале са Станіславам Сямашкам выкарыстаў жалобу ў Польшы для ўласнай рэкламнай кампаніі.
Як перадае «Еўрарадыё», пра гэта паведамляюць польскія СМІ.
У сувязі з трагедыяй пад Смаленскам для членаў СПБ зрабілі выключэнне і аформілі кароткатэрміновыя польскія візы. Як стала вядома, 20 красавіка група сябраў афіцыйнага СПБ наведала варшаўскі офіс арганізацыі «Польская супольнасць». Праўда, пагаварыць з кіраўніцтвам ў іх так і не атрымалася.
«Так, я магу пацвердзіць: яны ў нас былі. Пораскідалі ў нас тут на сталах у фае свае часопісы і пайшлі далей, каб сустрэцца з нашым дырэктарам. Але не сустрэліся, таму што яго ўчора не было. Але яны доўга чакалі - 4 гадзіны», - распавёў супрацоўнік «Польскага супольнасці».
З'явіліся сябры праўладнага СПБ і ў Беластоку. Як паведамляе польская газета «Rzeczpospolita», у адным з кафэ горада яны распавядалі журналістам аб дзейнасці Анжалікі Борыс і першага старшыні СПБ Тадэвуша Гавіна. Цікава, што як раз у гэты час у Беластоку праходзіла пахаванне віцэ-спікера польскага Сэйму Кшыштафа Путру, які загінуў у авіякатастрофе разам з прэзідэнтам Польшы.