Суддзя фіналу ЧС-2010 прызнаў сваю памылку

Ангельскі футбольны арбітр Ховард Уэб, які судзіў фінал чэмпіянату свету 2010 года Галандыя-Іспанія, прызнаў, што дапусціў сур'ёзную памылку.

Паводле словаў Уэба, у сярэдзіне першага тайма ён павінен быў выдаліць галандца Найджала Дэ Ёнга за грубы фол супраць іспанца Хабі Алонса, піша Lenta.ru са спасылкай на The Guardian.

На 28-й хвіліне сустрэчы Дэ Ёнг у барацьбе за мяч падчас скоку стукнуў Хабі Алонса нагой у грудзіну. Уэб паказаў галандскаму паўабаронцу жоўтую картку. Паводле словаў рэферы, калі ён перагледзеў гэты эпізод «седзячы ў крэсле», то прыйшоў да высновы, што Дэ Ёнга трэба было выдаляць.

Уэб адзначыў, што ён бачыў спаборніцтвы паміж галандцамі і іспанцам пад нязручым вуглом і не змог вызначыць, наколькі высока была паднятая нага Дэ Ёнга. Арбітр падкрэсліў, што ён не паказаў галандцу чырвоную картку не таму, што баяўся выдаліць футбаліста ў фінале чэмпіянату свету, а таму, што не быў упэўнены, наколькі груба сыграў Дэ Ёнг.

Фінал ЧС-2010 завяршыўся перамогай зборнай Іспаніі з лікам 1:0 у дадатковы час. Уэб паказаў пяць жоўтых картак іспанцам і восем - галандцам. Пры гэтым абаронца зборнай Галандыі Джон Хейтынга атрымаў два папярэджанні і на 110-й хвіліне быў выдалены з поля.