Абедзве лініі менскага метрапалітэна па-ранейшаму не працуюць
10- 11.04.2011, 22:15
Абедзве лініі менскага метрапалітэну пакуль не аднавілі сваю працу пасля выбуху на станцыі Кастрычніцкай у панядзелак увечары.
Аб гэтым паведаміў агенцтву "Інтэрфакс-Захад" начальнік КУП "Менскі метрапалітэн" Мікалай Андрэеў.
"Пакуль не магу прагназаваць, калі адновіць працу першая лінія", - сказаў ён.
Суразмоўца агенцтва растлумачыў, што на станцыі ў цяперашні час працуюць спецыялісты, у прыватнасці, работнікі праваахоўных органаў. Ён даў зразумець, што метро можа аднавіць працу пасля заканчэння следчых дзеянняў на станцыі.
М. Андрэеў адзначыў, што сур'ёзных пашкоджанняў, якія б перашкаджалі аднаўленню руху складаў, няма.
Ён дадаў, што "другая лінія таксама не працуе".
Як паведамлялася, станцыя "Кастрычніцкая", дзе ў панядзелак адбыўся выбух, з'яўляецца перасадачнай на другую лінію менскага метрапалітэна.