Лукашэнка прызнаўся ў цёплых пачуццях да «вашывай» Украіны
81- 19.05.2011, 12:31
Настрой беларускага дыктатара пераменлівы як веснавое надвор'е.
Не прайшло і месяца, як Лукашэнка назваў кіраўніцтва Украіны «вашывым». Зараз жа саюзніка бліжэй ў дыктатара няма.
«Беларусь як была, так і застаецца верная сваім прынцыпам, як была надзейнай саюзніцай нашай брацкай Украіны, так і застанецца», - сказаў Лукашэнка на сустрэчы з прэм'ер-міністрам Украіны Мікалаем Азаравым, перадае БелТА.
«У нас вельмі добрыя, цёплыя пачуцці ў адносінах да вашай дзяржавы, вашага народа», - адзначыў кіраўнік.
Звяртаючыся да прэм'ер-міністру Украіны, Аляксандр Лукашэнка адзначыў, што хацеў бы абмеркаваць шэраг канкрэтных пытанняў беларуска-ўкраінскіх адносінаў. «Хачу запэўніць, што любыя прапановы Украіны, якія на карысць нашых дзяржаваў, будуць падтрыманыя, прынятыя і абавязкова рэалізаваныя», - падкрэсліў т.зв. прэзідэнт.
Лукашэнка пацвердзіў гатовасць Беларусі супрацоўнічаць з Украінай па ўсіх напрамках. «Мы гатовыя адстойваць сумесна з Украінай без усялякіх ваганняў пытанні, якія цікавяць Украіну і нас», - сказаў беларускі дыктатар.
Аляксандр Лукашэнка папрасіў перадаць Прэзідэнту Украіны Віктару Януковічу, што Беларусь заўсёды была і застаецца верная сваім прынцыпам ва ўзаемаадносінах з брацкай Украінай.