Лукашэнка катаецца на лыжах у Сочы (Відэа)

Прэс-служба кіраўніка і афіцыйныя СМІ называюць гэтую паездку «працоўным візітам».

23 студзеня ў Чырвонай Паляне адбылася сустрэча Лукашэнкі і Дзмітрыя Мядзведзева. Афіцыйна паведамляецца, што кіраўнікі дзяржаў абмеркавалі пытанні двухбаковага супрацоўніцтва, у тым ліку гандлёва-эканамічных адносінаў, умацавання Саюзнай дзяржавы, развіцця ўзаемадзеяння ў межах Адзінай эканамічнай прасторы, сумеснага рэагавання на сучасныя выклікі і пагрозы, а таксама іншыя тэмы.

Аднак відэа- ці фотадоказаў такой гутаркі пакуль не прад'яўлена, паведамляюць naviny.by. Беларусам паказалі толькі, як Мядзведзеў і Лукашэнка сустракаюцца на вуліцы і як ліха Лукашэнка з'язджае па горным схіле.