Анастасія Палажанка: Няхай яны самі пра сябе паклапоцяцца

Актывістка «Маладога фронту», асуджаная па справе 19 снежня, лічыць, што аб скарачэнні спісу неўяздных можна разважаць толькі тады, калі рэжым зробіць нейкія крокі насустрач.

«У гэтай сітуацыі ўлада нічога не робіць для таго, каб паменшыць знешні ціск. Калі гэта тычыцца тых людзей, якія звязаныя з фальсіфікацыяй выбараў, то, калі ласка, давайце змены ў Выбарчы кодэкс. Калі гэта звязана з больш высокімі персонамі, то, калі ласка, вызваленне палітвязняў. Тут жа няма пра што і з кім размаўляць, калі няма дыялогу, а ёсць толькі маналог. Я думаю, нам не трэба аб гэтым клапаціцца, хай яны самі пра сябе паклапоцяцца», - сказала Анастасія Палажанка «Радыё Свабода».