У Маскве «даішнікі» скралі BMW з $2 мільёнамі

Чацвёра невядомых у форме інспектараў ДПС скралі аўтамабіль BMW, у салоне якога знаходзіліся два мільёны даляраў.

Ілжэпаліцыянты спынілі аўтамабіль, і, пагражаючы зброяй, прымусілі кіроўцу выйсці з машыны, пасля чаго двое з іх селі ў BMW і з'ехалі, піша focus.ua.

Як распавяла крыніца ў праваахоўных органах, яшчэ двое зламыснікаў схаваліся з месца інцыдэнту на аўтамабілі Infiniti. Маскоўская паліцыя ўвяла план Перахоп для вышуку злачынцаў.

Гэта ўжо трэцяе гучнае здарэнне са знікненнем іншамарак класа люкс у Маскве за апошні час. Нагадаем, 13 лістапада ў паліцыю з заявай аб крадзяжы Infiniti FХ-37 коштам 1,9 млн руб звярнуўся землякоп, які працуе на адных маскоўскіх могілках.

За дзень да гэтага стала вядома аб крадзяжы пазадарожніка BMW X5, які скралі ў супрацоўніка Міністэрства абароны РФ.