Каб скрасці «Мэрсэдэс», гродзенцы штурхалі яго некалькі кіламетраў

Гродзенскія падлеткі скралі старэнькі «Мэрсэдэс» без акумулятара.

Аўтамабіль да месца прызначэння штурхалі некалькі кіламетраў па вуліцах горада, піша «Вечерний Гродно».

У крадзяжы падазраюцца вучні 8-га і 9-га класаў адной з гродзенскіх школ, а таксама навучэнец мясцовага каледжа. Машына стаяла ў двары па вуліцы Суворава, у ёй не было акумулятара і свечак.

Падлеткі штурхалі машыну некалькі кіламетраў да вуліцы Рэпіна і пакінулі каля аднаго з дамоў. Неўзабаве гаспадар заўважыў прапажу і заявіў у міліцыю. Сышчыкі тут жа выявілі прапажу і затрымалі падлеткаў.

Аказалася, што хлопцы ўжо паспелі замовіць па інтэрнэце запчасткі, так як збіраліся адрамантаваць аўтамабіль і катацца на ім.