Менчукам паказалі «відэа на колах»

Беларускія распрацоўшчыкі прэзентавалі свой інавацыйны праект, які прынёс ім перамогу на конкурсе інавацый канала BBC.

Яны таксама падзяліліся планамі па рэалізацыі гэтага праекта ў Беларусі, паведамляе БелаПАН.

Беларускія студэнты брытанскіх ВНУ Арцём Ставенка і Кірыл Чыкеюк сталі пераможцамі вядомага брытанскага шоў-конкурсу Dragon's Den канала BBC. Іх распрацоўка дазваляе ствараць відэа і малюнкі на колах, што рухаюцца пад час язды ровара, гэта прыцягвае павышаную ўвагу да веласпорту і актыўнага ладу жыцця, а таксама служыць выдатнай рэкламнай пляцоўкай. Праект быў прызнаны англійскімі інвестарамі лепшым і ўжо пакарае еўрапейскія краіны.

За год развіцця створаная тэхналогія прайшла сур'ёзную дапрацоўку, набыла ўласную тэхнічную платформу і сёння ўпершыню паказаная ў Беларусі.