У Бабруйску моцны вецер перакуліў лодку з рыбаком

У Бабруйску работнікі МНС выратавалі рыбака, які перакуліўся на лодцы.

2 снежня ў 11 раніцы ў службу МНС ад рыбака паступіла паведамленне пра тое, што ў яго на рацэ Бярэзіна ў Бабруйску пры лоўлі рыбы ветрам перакуліла гумовую лодку. Ён апынуўся ў вадзе, даплыў да выспы і самастойна дабрацца да берага не можа. Мужчына знаходзіўся на адлегласці 800 метраў ад берага, паведамляе прэс-служба МНС.

Ратавальнікі пры дапамозе гумовай лодкі даставілі 35-гадовага мужчыну на бераг. Пасля агляду брыгадай хуткай медыцынскай дапамогі з дыягназам «агульнае пераахаладжэнне» ён быў шпіталізаваны.