Ланская вырашылася спяваць без фанаграмы для наведвальнікаў ГЦ (Відэа)

Заўтра а 12:00 у Менску пройдзе канцэрт-прэзентацыя новага англамоўнага альбома Алены Ланской Solayoh.

Арганізатары паведамляюць, што спявачка выступіць «у адным з цэнтральных менскіх гандлёвых цэнтраў», а дзе канкрэтна, не гавораць. Маўляў, будзе сюрпрыз.

«Я першапачаткова не хацела, каб прэзентацыя стала звычайным тусовачным мерапрыемствам, - паведаміла Ланская, - і таму ідэя канцэрта ў вялікім гандлёвым цэнтры, дзе кожны жадаючы можа ацаніць новыя песні, была мне блізкая. А калі з'явілася думка зрабіць гэта 31 снежня, усе сказалі: выдатна! І я з гэтым згодная».

«Такія канцэрты вельмі папулярныя ў Еўропе і ЗША, дзе зоркі першай велічыні лічаць гонарам выступіць у калядныя і навагоднія святы на цэнтральных плошчах і гандлёвых цэнтрах. Дадаць святочнага настрою і тым, хто проста гуляе, і тым, хто спяшаецца за падарункамі - гэта ж выдатна», - абвяшчае прэс-рэліз ад ТАА «Вэбмюзік Паблішынг».

У заўтрашнім канцэрце прымуць удзел артысты прадзюсерскага цэнтра «Спамаш» Іван Буслай і Аляксей Грос. Жадаючыя атрымаюць дыскі Solayoh і аўтограф спявачкі. Самых актыўных гледачоў чакаюць эксклюзіўныя варыянты кампакт-дыскаў, якія не паступяць у шырокі продаж, піша onliner.by.

«І, вядома, ніякіх фанаграм - Алёна Ланская спявае толькі жыўцом», - запэўніваюць арганізатары канцэрта.