Фёдару Іванавічу без пазадарожніка ніяк

(абноўлена) Рубрыка «Прыгожа жыць не забароніш», якая стала традыцыйнай, папоўнілася новым персанажам.

Вядучая навукова-даследчая ўстанова аграрнай галіны Беларусі РУП «Навукова-практычны цэнтр НАН Беларусі па земляробству» ніяк не можа абысціся без паўнапрываднага легкавога аўтамабіля.

Конкурс аб куплі абвешчаны 13 сакавіка 2013 года.

Увагу ў першую чаргу прыцягвае неабходная нясціплая камплектацыя пазадарожніка:

1. Аўтамабіль у яго базавай камплектацыі
2. Аб'ём рухавіка - 3,5 л
3. Варыятар Х-tronic CVT
4. Колер чорны салон чорны
5. Поўны сталы прывад 4*4-i
4 Дарожны прасвет, мм 180
6. Тып кузава - 5-дзверны, 5 месцаў
7. Бензінавы рухавік;
8. Прывад складання задніх сядзенняў
9. Самазацямняльнае ўнутрысалоннае люстэрка задняга віду.
10. Сістэма дапамогі пры экстраным тармажэнні.
11. Сістэма дынамічнай стабілізацыі ЕSP.
12. Ахоўная сістэма.
13. Сістэма прадухілення разраду акумулятарнай батарэі.
14. Біксенонавыя фары галаўнога святла з аўтаматычным карэктарам.
15. Электрапрывад рэгулявання люстэркаў задняга віду.
16. Паасобны клімат-кантроль для кіроўцы і пярэдняга пасажыра.
17. Запуск рухавіка кнопкай.
18. Гідраўзмацняльнік руля.
19. Бартавы кампутар.
20. Круіз-кантроль.

На аўто дзяржаўнае прадпрыемства гатова выдаткаваць 468.000.000 беларускіх рублёў або 54.292 амерыканскіх даляра.

Застаецца толькі пажадаць генеральнаму дырэктару рэспубліканскага ўнітарнага прадпрыемства Прывалаву Фёдару Іванавічу (на фота) поспеху на дарогах.

Абнаўленне: Арганізацыя Рэспубліканскае ўнітарнае прадпрыемства «Навукова-практычны цэнтр Нацыянальнай акадэміі навук Беларусі ў земляробстве» ў асобе [Клячкоўскі Вадзім Валер'евіч] абвяшчае аб скасаванні электроннага аўкцыёну № auc0000005725.