Снапкоў спадзяецца на цуд
37- 13.03.2013, 16:11
Міністр эканомікі Беларусі ўпэўнены ў зніжэнні інфляцыі ў краіне да 12% у гэтым годзе.
У Беларусі інфляцыя ў 2013 годзе не перавысіць прагнозныя 12%, заявіў журналістам у сераду ў Менску міністр эканомікі Беларусі Мікалай Снапкоў, піша «Інтэрфакс».
«У 12% мы ўкладземся, без сумневу», - сказаў міністр.
Міністр эканомікі Беларусі таксама падкрэсліў патрэбу стварэння на базе беларускіх прампрадпрыемстваў шэрагу буйных СП з удзелам расейскіх кампаній.
«Стварэнне супольных прадпрыемстваў (з Расеяй - ІФ), злучэнне бізнэсаў, з'яўляецца неабходным для захавання ў сярэднетэрміновай перспектыве канкурэнтных пераваг. Не думаю, што гэта манета з двума бакамі», - сказаў Снапкоў.
Нагадаем, за студзень-люты 2013 года інфляцыя ў Беларусі ўжо склала 4,3%.
У 2012 годзе інфляцыя знізілася да 21,8% з 100,8% у 2011 годзе.
У 2013 годзе беларускія ўлады маюць намер запаволіць інфляцыю да 12%.