ДАІ зноў просіць кіроўцаў адкласці далёкія паездкі

У сувязі са складанымі ўмовамі надвор'я ДАІ зноў заклікала кіроўцаў па магчымасці адмовіцца ад далёкіх паездак.

«Па звестках Гідраметэацэнтра, 20 сакавіка ў Беларусі чакаюцца складаныя ўмовы надвор'я - мокры снег, галалёд, наліпанне мокрага снегу, моцны вецер», - паведамілі агенцтву «Інтэрфакс» у сераду ў Дзяржаўтаінспекцыі.

Там адзначылі, што «ДАІ пераканаўча просіць усіх удзельнікаў дарожнага руху быць максімальна ўважлівымі і асцярожнымі ў складаных дарожных умовах, і, па магчымасці, адмовіцца ад паездак на асабістым транспарце і адкласці далёкія паездкі». ДАІ таксама просіць выконваць правілы паркоўкі і не пакідаць аўтамабілі на краі праезнай часткі, каб не перашкаджаць нармальнаму руху грамадзкага транспарту і не перашкаджаць працы снегаўборачнай тэхнікі.

«Падчас моцных ападкаў кіроўцам неабходна рухацца з уключаным блізкім святлом фар», - нагадалі ў Дзяржаўтаінспекцыі.

Там таксама папярэдзілі, што з-за снегу «на некаторых участках трас хуткасць руху можа быць не больш за 40 км/г».

ДАІ праводзіць кругласутачны маніторынг стану вулічна-дарожнай сеткі на прадмет своечасовага выканання дарожнымі і камунальнымі службамі работ па ўборцы снегу і ліквідацыі зімовай слізкасці, праінфармавалі ў Дзяржаўтаінспекцыі.