Снегапад абясточыў частку Польшчы
4- 1.04.2013, 11:41
З-за моцных снегападаў у Польшчы больш за сто тысяч чалавек засталіся без электрычнасці.
Некалькі паветаў Мазавецкага ваяводства застаюцца без святла, пачынаючы з вечара нядзелі, паведамляе тэлеканал TVN24.
Як паведаміў дзяжурны Мазавецкага аддзела Цэнтра Крызіснага Упраўлення, адбыўся абрыў больш 40 ліній электраперадач. Праблемы з электрычнасцю існуюць таксама ў Падляскім ваяводстве. Ліквідацыя аварый можа працягнуцца да позняга вечара панядзелка.
З-за снегападаў таксама ўскладнены рух на аўтатрасах і праца аэрапортаў.
Найбольш складаныя ўмовы былі адзначаныя ў ноч на панядзелак у аэрапортах гарадоў Жэшува, Катавіц і Любліна. Варшаўскі аэрапорт працуе з затрымкамі, але адпраўляе і прымае рэйсы.