Сілавікам і чыноўнікам зрэзалі льготы пры звальненні
34- 18.04.2013, 15:59
Дзяржслужачыя і сілавікі зраўняныя ў правах з іншымі катэгорыямі грамадзян пры атрыманні выхадной дапамогі.
Законапраект, які прадугледжвае выключэнне дадатковых гарантый, якія прадстаўляюцца дзяржслужачым і супрацоўнікам сілавых структур пры скарачэнні штату работнікаў дзяржорганаў, ухвалены «саветам рэспублікі» «нацыянальнага сходу» Беларусі.
«Законапраект падае адзіны ўзровень гарантый для ўсіх катэгорый грамадзян, ён ураўноўвае у правах усіх грамадзян», - заявіла, выступаючы ў чацвер у верхняй «палаце парламента», міністр працы і сацыяльнай абароны Марыяна Шчоткіна.
Кіраўнік ведамства нагадала, што дзеючым заканадаўствам прадугледжваецца выплата выхадной дапамогі пры скарачэнні штата работнікаў у памеры 3 месячных заработных плат. Да цяперашняга часу дзяржслужачым гарантаваліся больш высокія памеры выхадной дапамогі.
У сувязі з гэтым, адзначыла Шчоткіна, згодна з папраўкамі ў закон «Аб дзяржаўнай службе» і «Аб занятасці насельніцтва», для названых катэгорый грамадзян прапануецца ўстанавіць адзіны з іншымі катэгорыямі беспрацоўных падыход пры назначэнні дапамогі па беспрацоўі, а таксама стыпендыі, якая выплачваецца ў выпадку перанакіравання на перападрыхтоўку.
Як было заяўлена падчас абмеркавання праекта закона, выхадная дапамога дзяржслужачым пры вызваленні ў сувязі з ліквідацыяй дзяржоргана, скарачэннем колькасці або штату работнікаў устанаўліваецца ў памеры, прадугледжаным заканадаўствам аб працы.
«Цяпер праводзіцца ўпарадкаванне працоўных рэсурсаў, і таму гэты закон да месца», - адзначыў старшыня «савета рэспублікі» Анатоль Рубінаў.
Нагадаем, 12 красавіка Лукашэнка падпісаў указ № 168 «Аб некаторых мерах па аптымізацыі сістэмы дзяржаўных органаў і іншых дзяржаўных арганізацый, а таксама колькасці іх работнікаў».
Дакументам прадугледжваецца скарачэнне колькасці работнікаў дзяржаўных органаў і арганізацый у сярэднім на 25%.