У пасёлку Акцябрскі гарэў каледж: эвакуявалі 150 чалавек
13- 25.04.2013, 11:38
150 чалавек былі эвакуяваныя 24 красавіка з будынка прафесійна-тэхнічнага каледжа сельскагаспадарчай вытворчасці ў пасёлку Акцябрскі Віцебскага раёна.
Як паведамляе прэс-служба МНС, прычынай экстраных мер стаў пажар у кабінеце дырэктара. У будынку спрацавала сістэма пажарнай сігналізацыі і абвяшчэння аб пажары.
Эвакуацыю праводзілі работнікі і адміністрацыя каледжа ў пасёлку Акцябрскі, а таксама ратавальнікі, якія прыбылі праз 7 хвілін.
Агонь пашкодзіў маёмасць, аконны блок і сцены ў кабінеце дырэктара, знішчыў дакументацыю.
Пасля таго як пажарныя патушылі агонь - а гэта заняло 5 хвілін - заняткі ў каледжы аднавіліся.
Прычына пажару высвятляецца.