П'яны менчук з нажом уварваўся на дзіцячую пляцоўку
15- 25.04.2013, 15:19
П'яны менчук хадзіў па вуліцах з нажом, пагражаў мінакам і распужаў дзіцячую пляцоўку.
Распачатая крымінальная справа ў дачыненні да менчука 1964 года нараджэння, якога падазраюць у здзяйсненні злачынства, кваліфікаванага ў адпаведнасці з ч. 3 арт. 339 КК, як асабліва злоснае хуліганства, здзейсненае з пагрозай прымянення прадмета, які выкарыстоўваецца ў якасці зброі.
Як распавёў БелаПАН афіцыйны прадстаўнік упраўлення СК па Менску Аляксандр Герасімаў, 24 красавіка каля 18.30 мужчына, знаходзячыся ў стане алкагольнага ап'янення, праходзячы з нажом у руцэ па вуліцах у Фрунзенскім раёне сталіцы, выкрыкваў у адрас мінакоў пагрозы расправы. Зайшоўшы на дзіцячую пляцоўку па вуліцы Данілы Сердзіча, 34, ён аналагічнымі дзеяннямі спалохаў дзяцей і іх бацькоў, якія знаходзіліся там, вымусіўшы людзей пакінуць двор. Грамадзяне, абураныя яго паводзінамі, прасачылі за ім, устанавілі адрас канчатковага маршруту хулігана і выклікалі міліцыю.
Падазраваны быў затрыманы ў сваёй кватэры супрацоўнікамі спецпадраздзялення МУС па барацьбе з тэрарызмам «Алмаз», крымінальнага вышуку Фрунзенскага РУУС, тэрытарыяльнага аддзела Следчага камітэта. Ён змешчаны ў ІЧУ.
У дачыненні да падазраванага прызначаная судова-псіхіятрычная экспертыза.