З-за ветру ў Віцебску згас «вечны» агонь
14- 25.04.2013, 15:57
Увечары 24 красавіка парыў моцнага ветру пагасіў Вечны агонь на плошчы Перамогі ў Віцебску.
Каля манумента ў гонар воінаў-вызваліцеляў «Тры штыка» адчуваўся моцны пах газу.
Чытач «Народных навінаў Віцебску», які апынуўся на месцы здарэння, патэлефанаваў у службу 101.
Там абяцалі выправіць сітуацыю. Ужо сыходзячы з плошчы, хвілін праз 40, фатограф убачыў, што па вуліцы Калініна едзе пажарная машына.
Гэта ўжо не першы такі выпадак у Віцебску.
