«Таронта» выйграў шосты матч з «Бостанам» у Кубку Стэнлі

Вырашальная сустрэча паміж камандамі адбудзецца сёння ўвечары.

Хакеісты «Таронта» мінулай ноччу выйгралі дома ў «Бостана» ў шостым матчы першага раўнда Кубка Стэнлі і зноў аднавілі раўнавагу ў супрацьстаянні, якое будзе доўжыцца да чатырох перамог аднаго з супернікаў. Беларускі форвард Міхаіл Грабоўскі правёў на лёдзе 18.15 хвілін, здзейсніў тры кідкі, выйграў 42% (5 з 12) укідванняў і зарабіў -1 па сістэме «+/-», піша «Прессбол».

«Таронта» - «Бостан» - 2:1 (0:0, 0:0, 2:1). Шайбы: 1:0 - Фанюф (Кадры, ван Рымсдайк, 41.48), 2:0 - Кэсел (ван Рымсдайк, Фрэнсан, 48.59), 2:1 - Лучыч (Ягр, Хара, 59.34, 6 на 5). Кідкі: 26-30 (7-8, 9-10, 10-12). Штраф: 4-2. Брамнікі: Рэймер (96,7% адбітых кідкоў) - Т.Раск (58.23; 92,3% адбітых кідкоў).

Цяпер лёс пуцёўкі ў наступны раўнд вырашыцца ў сёмым матчы серыі, які пройдзе будучай ноччу ў Бостане.

Нагадаем, перамога «Таронта» ў папярэднім матчы перашкодзіла Міхаілу Грабоўскаму выступіць за нацыянальную зборную на Чэмпіянаце свету па хакеі ў Швецыі.