Microsoft папярэджвае пра новы траян

Траянская праграма Trojan: JS/Febipos распаўсюджваецца сярод карыстальнікаў браўзэраў Mozilla Firefox і Google Crome і ўзломвае ўліковыя запісы карыстальнікаў на Facebook.

Пра гэта паведамляе антывірусны рэсурс кампаніі Microsoft, піша «РІА Новости».

Траянец распаўсюджваецца як пашырэнне да Firefox і Chrome: трапляючы на кампутар, траянец адразу ж адсочвае падлучэнне да Facebook, а таксама загружае файл канфігурацыі, які дазваляе яму перадаваць каманды браўзэру незаўважна для карыстальніка. Дадзенае шкоднаснае ПЗ можа выкладаць у Facebook карыстальніка спасылкі на старонкі, дзяліцца кантэнтам, далучацца да груп і нават мець зносіны ў чаце з сябрамі ўладальніка ўліковага запісу.

Дзякуючы файлам канфігурацыі, якія абнаўляюцца, дадзены траян можа змяняць сваю актыўнасць, размяшчаць іншыя паведамленні або заціхаць на час, адзначае рэсурс Digit.ru. Хоць першапачаткова Trojan: JS/Febipos арыентаваны на бразільскую аўдыторыю і «размаўляе» на партугальскай, выданне Digit.ru нагадвае, што на думку спецыялістаў Microsoft дадзенае зламыснае ПЗ можа быць лёгка адаптаванае да любой іншай мовы.

Для пазбягання наступстваў заражэння траянам, кампанія Microsoft рэкамендуе рэгулярна правяраць сваю актыўнасць у сацыяльных сетках, рэгулярна мяняць пароль і сканаваць кампутар на прадмет наяўнасці шкоднаснага ПЗ, а таксама праверыць, для чаго прызначаныя ўсталяваныя вамі пашырэнні браўзэра.