Аляксандр Казулін: Цяжка аналізаваць дзеянні хворых людзей

Растлумачыць ідэю з запрашэннем замежных выкладчыкаў у беларускія ВНУ немагчыма.

Пра гэта ў інтэрв'ю сайту charter97.org заявіў былы палітвязень, экс-рэктар Беларускага дзяржаўнага ўніверсітэта (БДУ) Аляксандр Казулін.

«Яшчэ крыху - і ў Беларусі не будзе сваіх выкладчыкаў ВНУ. За маю рэктарскаую практыку нічога падобнага не было, паколькі хапала сваіх прафесійных кадраў. Калі і запрашалі каго-небудзь, то ў рамках афіцыйных праграм. У БДУ была праграма MBA (Master of Business administration), у адпаведнасці з якой запрашалі спецыялістаў з-за мяжы, калі не хапала выкладчыкаў па напрамках. Заробак ім плацілі ў адпаведнасці з кантрактам», - адзначыў палітык.

Ён падкрэсліў, што вельмі цяжка растлумачыць падобны крок беларускіх уладаў.

«Яны шмат робяць таго, што нам не незразумела. Калі ўлада хворая, а дыягназ відавочны, то вельмі складана аналізаваць дзеянні хворых людзей. Паводле неафіцыйнай статыстыкі ў нас больш за 1,5 мільёна працаздольнага насельніцтва працуе за межамі краіны. Статыстыка кажа сама за сябе. Я не валодаю дакладнымі лічбамі, але ведаю, што вялікая колькасць кваліфікаваных навукоўцаў можа ўладкавацца на працу за мяжой. І той факт, што з краіны з'язджае шмат у чым моладзь, не выклікае пытанняў», - лічыць Аляксандр Казулін.

Нагадаем, у адпаведнасці з пастановай Саўміна № 362, Беларусь збіраецца прыцягваць дарагіх замежных выкладчыкаў у дзяржаўныя ВНУ.

Дакумент устанавіў парадак аплаты іх дзейнасці за кошт дзяржавы. Так, пагадзінная стаўка аплаты замежнага спецыяліста, які будзе працаваць у дзяржаўных ВНУ, устаноўленая на ўзроўні да 300% (уключна) тарыфнай стаўкі першага разраду. З 1 красавіка 2013 года тарыфная стаўка першага разраду складае Br250 тыс. Такім чынам, максімальная пагадзінная стаўка замежнага выкладчыка складзе Br750 тыс., або $86,5 у эквіваленце па бягучым абменным курсе.