«Жыве Беларусь!» пакажуць у Сінгапуры і на Філіпінах

Фільм пра беларускі супраціў пакажуць у краінах Паўднёва-Усходняй Азіі.

Пра гэта ў сацыяльнай сетцы «Фэйсбук» напісаў адзін са стваральнікаў карціны Франак Вячорка.

«Сёння тэлевізійная прэм'ера фільма« Жыве Беларусь!» у Азіі. Буйны канал CinemaWorld, які размешчаны ў Сінгапуры, вяшчае праз кабель на Сінгапур, Філіпіны і іншыя краіны Паўднёва-Усходняй Азіі, а таксама - праз інтэрнэт і спадарожнік. Канал даўно закупіў «Жыве Беларусь!» у кампаніі Intramovies, якая з'яўляецца афіцыйным дыстрыбутарам фільма», - паведаміў Франак Вячорка.

Карціна здымалася ў лістападзе-снежні 2011 года ў Польшчы. Над ёй працавалі Польская дзяржаўная кінастудыя мастацкіх і дакументальных фільмаў (WFDIF) і французскі Canal +.

Сусветнай дыстрыбуцыяй фільма «Жыве Беларусь!» займаецца італьянская кампанія Intramovies.

Перадпрэм'ерны паказ фільма адбыўся на фестывалі ў Канах ў 2012. Прэм'ера ў Варшаве адбылася 17 красавіка 2013.

Рэжысёр карціны - паляк Кшыштаф Лукашэвіч. Сцэнарысты - Франак Вячорка і Кшыштаф Лукашэвіч.

Галоўную ролю - рок-музыкі Мірона Захаркі - выканаў беларускі музыка Зміцер (Вінцэнт) Папко. У фільме знялася зорка польскага кіно Караліна Грушка.

У фільме таксама зняўся вядомы беларускі музыка Аляксандр Памідораў і акцёр Анатоль Кот, які пасля здымак трапіў у чорны спіс забароненых у Беларусі акцёраў.

Музыку да «Жыве Беларусь!» напісаў Лявон Вольскі.