Арыштавалі заказчыка забойства Домнікава. «Новая» лічыць - не таго

Пастанову аб арышце бізнесмена Паўла Сопата вынес Прэсненскі раённы суд Масквы.

Сопат будзе знаходзіцца пад вартай да 7 ліпеня.

Сёння днём прадпрымальнік Павел Сопат быў затрыманы супрацоўнікамі МУРа па падазрэнні ў замове забойства Ігара Домнікава. Такім чынам, суд задаволіў хадайніцтва следчых. Сам прадпрымальнік сваю віну не прызнае.

Аднак, як мяркуе «Новая газета», гэты чалавек наўрад ці з'яўляецца заказчыкам забойства Домнікава.

Газета выступіла з заявай, у якой гаворыцца:

«Новой газете» вядомы гэты чалавек. Гэта сапраўды прадпрымальнік Павел Сопат, які ў свой час меў дзелавыя кантакты ў Ліпецкай вобласці. Можам толькі дадаць, што ён ужо праходзіў у якасці падазраванага па гэтай справе, а таксама па яшчэ адным эпізодзе, звязаным са злачыннай дзейнасцю тагір'янаўскай злачыннай групоўкі. Аднак, як мяркуе «Новая», гэты чалавек наўрад ці з'яўляецца заказчыкам забойства Ігара Домнікава. Наколькі дакладна вядома «Новой», ён з'яўляўся пасярэднікам, які непасрэдна перадаў заказ лідару АЗГ Эдуарду Тагір'янаву ад асобы, якая нам таксама вядомая і мы можам яе назваць. Па здагадцы «Новой», гэтай асобай быў экс віцэ-губернатар Ліпецкай вобласці Сяргей Дараўскі. Мы спадзяемся, што з арыштам, які адбыўся сёння, расследаванне крымінальнай справы па факце забойства Ігара Домнікава не спыніцца і да адказнасці будуць прыцягнуты ўсе вінаватыя, якія б пасады яны не займалі і якіх бы заступнікаў не мелі.

Нагадаем, непасрэдныя арганізатары і выканаўцы забойства Домнікава, якое адбылося ў 2000 годзе, асуджаныя на доўгія і пажыццёвыя тэрміны зняволення».

Рэдактар аддзела спецпраектаў «Новой газеты» 42-гадовы Ігар Домнікаў быў жорстка збіты 12 траўня 2000 года ў пад'ездзе ўласнага дома. Ён памёр пасля двух месяцаў комы ў інстытуце нейрахірургіі імя Бурдэнкі.