Сайт ПЦ «Вясна» зноў узламалі
6- 8.05.2013, 21:01
Супрацоўніца праваабарончага цэнтра Таццяна Рэвяка паведаміла пра падмену некаторых тэкстаў на сайце.
«Гэбісты гарэзяць. На сайце «Вясны» заменены змест некаторых публікацый. Так, пад банерам Агляд-хроніка-2012 - Энцыклапедыя афрыканскіх рэлігій. Што дзе яшчэ - высвятляем», - напісала праваабаронца ў сябе ў «Фэйсбуку».
Сайт ПЦ «Вясна» быў узламаны 25 красавіка. Зламыснікі змянілі інфармацыю на галоўнай старонцы. За дзень да гэтага быў узламаны сайт «Беларускі партызан» і ўчынены напад на сайт charter97.org.
