ДАІ адпраўляе спецпадраздзяленне ў адну з абласцей Беларусі

Каму падрыхтавацца?

Дзяржаўтаінспекцыя Беларусі паабяцала ўзмацніць кантроль за выкананнем правілаў дарожнага руху на дарогах і ў зонах адпачынку 4 і 5 траўня. У адну з абласцей запланавалі накіраваць спецпадраздзяленне дарожна-патрульнай службы (ДПС) "Страла".

Таксама патрулі ДПС, паводле інфармацыі ДАІ, будуць патруляваць у месцах правядзення рэлігійных мерапрыемстваў, дзе адзначаюць Вялікдзень. Як расказалі ў МУС Беларусі, "першачарговую ўвагу" інспектары нададуць "своечасоваму выяўленню нецвярозых кіроўцаў і бяспраўнікаў".

Акрамя таго, паабяцалі прыняць дадатковыя меры для спынення парушэнняў веласіпедыстамі. Рэйдавыя групы спецпадраздзялення ДПС "Страла" запланавалі накіраваць у "найбольш аварыйныя раёны" Берасцейскай вобласці.