Супраць дырэктара Белдзяржцырка распачалі крымінальную справу

Следчы камітэт расследуе крымінальную справу ў дачыненні да былога дырэктара Белдзяржцырка.

Пра гэта паведаміла агенцтву «Інтэрфакс-Захад» у пятніцу афіцыйны прадстаўнік Следчага камітэта Юлія Ганчарова.

«Крымінальная справа ў дачыненні да былога дырэктара распачатая Генеральнай пракуратурай па матэрыялах галоўнага ўпраўлення па барацьбе з эканамічнымі злачынствамі МУС і Камітэта дзяржаўнага кантролю», - удакладніла Ганчарова.

«Паводле атрыманых матэрыялаў крымінальнай справы, былы кіраўнік установы падазраецца ў злоўжыванні службовымі паўнамоцтвамі (ч. 3 арт.424 Крымінальнага кодэкса). Следчы камітэт прыняў крымінальную справу да вытворчасці і прыступіў да расследавання», - праінфармавала афіцыйны прадстаўнік СК.

«Мера стрымання да падазронай не ўжывалася», - адзначыла Ганчарова.